Dálvebadjái 1.1.-31.3.2009 eai vuovdde rievssatlobiid Davvi-Sápmái

Meahcástusa earremearrádusa čuovvu gullama maŋŋá Meahciráđđehus lea dahkan mearrádusa, ahte ii vuovdde smávvafuođđolobiid dálvebadjái 2009. Mearrádusa duohken leat rievssatnáli dálá dássi ja meahčástusa gierdavašvuođa dorvvasteapmi.

Dálvebadjái 1.1.-31.3.2009 eai vuovdde rievssatlobiid. Dáinna čovdosiin geahččalit dorvvastit rievssatnáli ealáskahttima nu johtilit go vejolaš. Dego čakčagease nálleárvvoštallan einnoštalai, lea Davvi-Sámi rievssatnálli lunddolaš molsašuddama bárrobotnis ja dávista ovddit fuones rievssatjagiid (1990 ja 2000) dási.
Rievssatnálli lea dál fuotni oppa Skandinávias. Fuomášanveara lea maiddái máŋggaid eará šlájaid, dego gálašeaddjilottiid ja lottážiid náliid maŋosmannan.

Máŋgasiidda dehálaš čuoiganluopmu beatnagiin lea Davvi-Sámi duoddariidda goittotge boahttevaš dálvve vejolaš, go beatnaga skuvlenlobit mieđihuvvojit dál spiehkastahkan maiddái dálvebadjái. Beatnaga skuvlenlobiid sáhttá diđoštallat Davvi-Sámi bálvalanbáikkiin.

Eanodaga (1613-1616) ja Ohcejoga (1601-1604) lohpeguovlluide čakčabaji lohpemearri geahpeduvvui nu, ahte sálašnohkan dávista ovddit heajos rievssatjagiid dási, ja lei sullii 1/3 ovddit bivdobaji ektui. Anára lohpeguovlluide (1605-1612) rievssatlobit eai vuvdon olláge.

Meahciráđđehus rávve meahcásteaddjiid bidjat resurssaid smávvabeađuid bivdimii.

Lassidieđut:

Meahccegeavahanplánejeaddji Jarmo Katajamaa, Metsähallitus tel. 040 593 1935