Riebanbivdu joatkašuvvá njálaid bessenguovlluin
Riebanat bivdojuvvojit Eana- ja meahccedoalloministeriija mieđihan spiehkastatlobiin davimus Sámis Meahciráđđehusa hálddašan eatnamiin 1.1. – 30.4.2009 gaskasaš áigge.
Almmustahtton 9.1.2009
Spiehkastatlohpebivdiin lea lohpi atnit bivddus mohtorgielkká ja hávllabissu. Meahcásteaddjiin lea leansmánni lohpi fievrredit bissu mohtorgielkkáin sihke Meahciráđđehusa bokte boahtán eana- ja meahccedoalloministeriija lohpi atnit mohtorgielkká veahkkin riebanbivddus. Dasa lassin riebanbivdiid ja Meahciráđđehusa gaskasaš soahpamuššii leat čállojuvvon dárkileappot njuolggadusain, mat gusket bivddu.
Bivdolohpi lea oktiibuot 300 riebanii Ohcejoga, Eanodaga ja Anára gielddaid guovlluin.
Riebanbivdit ožžot 30 euro buhtadusa ovtta riebanis, buhtadus lea vearrovuollásaš sisaboahtu. Riebanat doaimmahuvvojit Oulu Evirai dutkama várás. Bivdit maiddái merkejit kártakopiijaide riebaniid bivdobáikkiid sihke áicamiid hárvenaš ealliin, eandalit njálas, rievssatfállis, goaskimis ja stuorrabeađuin.
Riebanbivdit galget leat oktavuođas badjeolbmuide ealuid sajádagas ja seamma láhkai galget váldit vuhtii maiddái earáid luonddus lihkadeaddjiid. Dáinna spiehkastalobiin riebanbivdiid leat rávven garvit earáid luonddus lihkadeaddjiid.
Spiehkastatlobi hálddašeaddjit eai oažžo váldit olggobeale olbmuid fárrui bivdui.
Riebanbivdu spiehkastatlobiin lea gildojuvvon priváhtaeatnamiin ja álbmotmeahcis.
Riebanbivdu gullá 1990-logus álggahuvvon oktasaš davviriikalaš prošektii Fennoskandia njállapopulašuvnna gádjumii. Dán áigodagas leamašan ee. guokte Stockholmma univeristeahta jođihan Njálla Life –fidnu. Dáid fidnuin Suoma bealde leamašan mielde Meahciráđđehus ja Meahcidutkanlágádus.
Ovttasbargu ja –doaimmat joatkašuvvet ain seamma oassebeliid gaskka, vaikke Njálla Life –fidnu nogaige mannan jagi. Meahciráđđehusa meahccegeavahandoallu máksá dán jagi buhtadusaid bivdojuvvon riebaniin.
Riebanbivdin doibmet oktiibuot s. 30 báikkálaš meahcásteaddji. Listu lea oaidnimassii Meahciráđđehusa fierbmebálvalusas.
Lassidieđut:
Suodjalanbiologa Matti Mela, Meahciráđđehus. Tel. 0205 64 7725, gsm 0400 223 541
Davviriikalaš njála suodjaleami ruoktosiiddut: http//go.to/sefalo