Leiðrétting á enskri frétt
Sala ársins var 81,3 milljónir Bandaríkjadala. Söluaukning milli ára jafngildir 19% innri vexti.
Rekstrarhagnaður ársins var 11,5 milljónir dala og jókst um 6% frá fyrra ári. (1.052 milljónir íslenskra króna).
Hagnaður ársins var tæplega 10,1 milljón dala (920 milljónir íslenskra króna) og jókst um 16% frá fyrra ári.
Hagnaður á hlut (EPS) jókst um 18% og var 3,12 US cent á hlut.
Ársreikningur 2002 fyrir félagssamstæðu Össurar hf. var samþykktur á stjórnarfundi 11. febrúar. Ársreikningurinn hefur verið endurskoðaður af endurskoðendum félagsins og áritaður án athugasemda.
Samstæða Össurar hf. samanstendur í meginatriðum af Össuri hf. á Íslandi, samstæðu Össur Holdings Inc. í USA, samstæðu Össur Holding AB í Svíþjóð og Össur Europe B.V. í Hollandi.
Við umreikning úr Bandaríkjadölum yfir í íslenskar krónur er notað meðalgengi ársins sem er 91,46 ISK/USD. Við umreikning efnahagsliða er notað árslokagengi 80,77 ISK/USD.
Helstu rekstrarniðurstöður 2002
Rekstrarreikningur 2002 og 2001 (þús. USD) 2002 % af
sölu 2001 % af
sölu Breyting
Sala 81.284 100,0% 68.380 100,0% +18,9%
Kostnaðarverð seldra vara -33.434 -41,1% -25.376 -37,1% +31,8%
Framlegð 47.850 58,9% 43.004 62,9% +11,3%
Aðrar rekstrartekjur 1.030 1,2% 799 1,2% +28,9%
Sölu- og markaðskostnaður -16.927 -20,8% -12.773 -18,7% +32,5%
Þróunarkostnaður -7.103 -8,7% -5.101 -7,5% +39,2%
Skrifstofu- og stjórnunarkostnaður -13.349 -16,4% -15.040 -22,0% -11,2%
Rekstrarhagnaður 11.501 14,2% 10.889 15,9% +5,6%
Fjármunatekjur/(fjármagnsgjöld) 182 0,2% -487 -0,7% +137,4%
Hlutdeildartekjur 154 0,2% 22 0,0% +600,0%
Hagnaður fyrir tekjuskatt 11.837 14,6% 10.424 15,2% +13.6%
Tekjuskattur -1.781 -2,2% -1.792 -2,6% -0,6%
Hagnaður tímabilsins 10.056 12,4% 8.632 12,6% +16,4%
EBITDA 14.310 17,6% 12.973 19,0% +10,3%
Efnahagsreikningur (þús. USD) 31.12. 31.12. Breyting
2002 2001
Fastafjármunir 32.093 30.948 +3,7%
Veltufjármunir 38.589 27.253 +41,6%
Eignir samtals 70.682 58.201 +21,4%
Eigið fé 39.861 30.547 +30,4%
Langtímaskuldir 13.884 12.931 +7,4%
Skammtímaskuldir 16.937 14.723 +15,0%
Eigið fé og skuldir samtals 70.682 58.201 +21,4%
Sjóðstreymi 2002 (þús. USD) 1.1-31.12
2002 1.1-31.12
2001
Veltufé frá rekstri 14.661 10.771
Handbært fé frá rekstri 10.502 10.359
Fjárfestingarhreyfingar -2.881 -3.016
Fjármögnunarhreyfingar -1.642 -8.049
Hækkun / (lækkun) handbærs fjár 5.979 -706
Lykiltölur 2002 2001 2000 1999 1998
Hagnaður á hlut (US cent) 3,12 2,64 1,48 0,91 e/f
V/H hlutfall 21,8 19,4 53,0 60,8 e/f
Arðsemi eigin fjár 28,6% 32,4% 9,0% 44,7% 77,3%
Veltufjárhlutfall 2,3 1,9 1,5 2,2 2,7
Eiginfjárhlutfall 56,4% 52,5% 44,6% 78,6% 35,7%
Markaðsvirði hlutafjár (milljónir USD) 220 158 256 117 e/f
Helstu niðurstöður fjórða ársfjórðungs
Rekstrarreikningur
4. ársfjórðungs 2002 (þús. USD) 4.ársfj.
2002 % af
sölu 4.ársfj.
2001 % af
sölu Breyting
Sala 20.077 100,0% 17.125 100,0% +17,2%
Kostnaðarverð seldra vara -9.039 -45,0% -6.274 -36,6% +44,1%
Framlegð 11.038 55,0% 10.851 63,2% +1,7%
Aðrar rekstrartekjur 536 2,7% 165 1,0% +224,8%
Sölu- og markaðskostnaður -4.091 -20,4% -3.565 -20,8% +14,8%
Þróunarkostnaður -1.852 -9,2% -1.184 -6,9% +56,4%
Skrifstofu- og stjórnunarkostnaður -3.352 -16,7% -2.810 -16,4% +19,3%
Rekstrarhagnaður 2.279 11,4% 3.457 20,1% -34,1%
Fjármunatekjur/(fjármagnsgjöld) 318 1,6% -350 -2,0% +190,9%
Hlutdeildartekjur 114 0,5% -26 -0,2% +538,4%
Hagnaður fyrir tekjuskatt 2.711 13,5% 3.081 17,9% -12,0%
Tekjuskattur 76 0,4% -311 -1,8% +124,4%
Hagnaður tímabilsins 2.787 13,9% 2.770 16,1% +0,6%
EBITDA 3.183 15,9% 3.987 23,3% -20,2%
Samanburður við rekstraráætlun
Rekstrarreikningur
4. ársfjórðungs 2002 (þús. USD) 4.ársfj.
2002 % af
sölu 4.ársfj.
áætlun % af
sölu Frávik
Sala 20.077 100,0% 20.714 100,0% -637
Kostnaðarverð seldra vara -9.039 -45,0% -7.788 -37,6% 1.251
Framlegð 11.038 55,0% 12.926 62,4% -1.888
Aðrar rekstrartekjur 536 2,7% 43 0,2% +493
Sölu- og markaðskostnaður -4.091 -20,4% -3.916 -18,9% -175
Þróunarkostnaður -1.852 -9,2% -1.468 -7,1% -384
Skrifstofu- og stjórnunarkostnaður -3.352 -16,7% -3.292 -15,9% -60
Rekstrarhagnaður 2.279 11,4% 4.293 20,7% -2.014
Fjármunatekjur/(fjármagnsgjöld) 318 1,6% -249 -1,2% +567
Hlutdeildartekjur 114 0,5% 14 0,1% +100
Hagnaður fyrir tekjuskatt 2.711 13,5% 4.058 19,6% -1.347
Tekjuskattur 76 0,4% -718 -3,5% 794
Hagnaður tímabilsins 2.787 13,9% 3.340 16,1% -553
EBITDA 3.183 15,9% 4.914 23,7% -1.731
Rekstur ársins og fjórða ársfjórðungs
Sterkur innri vöxtur einkenndi sölu ársins 2002. Sala jókst um 12,9 milljónir dala en það samsvarar 19% innri vexti. Sala var á áætlun og er frávik innan við 1% frá birtri rekstraráætlun.
Sala fjórða ársfjórðungs jókst um 17% milli ára en var liðlega 3% undir áætlun. Sala í Norður-Ameríku, sem er stærsti markaður félagsins, var 7% undir áætlun. Sala í gegnum Össur Europe B.V. var tæplega 4% yfir áætlun. Sala Össur Nordic A.B. var 13% yfir áætlun á fjórða fjórðungi. Sala á öðrum alþjóðamörkuðum var 22% undir áætlun sem er svipað frávik og var á þriðja ársfjórðungi. Nánar skiptist ytri sala samstæðunnar þannig eftir markaðssvæðum:
4. ársfjórðungur þús. USD 4. ársfj. 2002 % Áætlun Frávik
Norður-Ameríka 10.705 53% 11.517 -812
Evrópa 4.803 24% 4.638 +165
Norðurlönd 2.874 14% 2.550 +324
Aðrir alþjóðamarkaðir 1.357 7% 1.742 -385
Innanlandssala 338 2% 267 +71
Samtals 20.077 100% 20.714 -637
Árið 2002 Þús. USD 2002 % Áætlun Frávik
Norður-Ameríka 46.119 57% 46.443 -324
Evrópa 16.995 21% 16.505 +490
Norðurlönd 10.489 13% 9.544 +945
Aðrir alþjóðamarkaðir 6.388 8% 8.510 -2.122
Innanlandssala 1.293 1% 1.046 247
Samtals 81.284 100% 82.048 -764
Kostnaðarverð seldra vara sem hlutfall af sölu var mun hærra á fjórða ársfjórðungi en rekstraráætlun gerði ráð fyrir og var framlegð rúmlega 7% lægri en áætlað var. Framlegð ársins í heild var tæplega 59% en áætlun gerði ráð fyrir 63%. Ástæður lægri framlegðar á fjórða ársfjórðungi eru fjórar helstar. Mikil áhersla var lögð á að auka framleiðslugetu koltrefjagervifóta hér heima, setja upp nýjar vörulínur og auka afköst. Gjaldfærður kostnaður vegna þessa var 400 þúsund dalir. Vegna aukinna umsvifa var framlag í niðurfærslusjóð vegna ábyrgðarviðgerða aukið um 210 þúsund dali. Birgðir að verðmæti 320 þúsund dalir voru afskrifaðar hjá Össur Engineering Inc. í Albion, Michigan vegna endurmats á sölumöguleikum í framhaldi af fyrirséðum innleiðingum á nýjum vörum. Hlutur íslenskrar krónu í framleiðslukostnaði var vaxandi á árinu vegna aukinnar sölu og vegna nýrrar framleiðslulínu koltrefjagervifóta. Styrking íslenskrar krónu á fjórða ársfjórðungi olli lækkun framlegðar um 450 þúsund dali.
Sölu- og markaðskostnaður var rúmlega 4% yfir kostnaðaráætlun á fjórða ársfjórðungi en var tæplega 8% undir kostnaðaráætlun á þriðja ársfjórðungi. Í heild árið 2002 var kostnaðurinn 4% undir áætlun. Í samanburði við fyrra ár hefur hlutfall sölu- og markaðskostnaðar af sölu verið aukið um liðlega 2% milli ára.
Rannsóknar- og þróunarkostnaður nam 9,2% af sölu á fjórða ársfjórðungi en það var rúmum 26% yfir áætlun en taka þarf tillit til þess að hluti þessa kostnaðar kemur til baka í gegnum aðrar tekjur vegna verkefnis sem styrkt er af Evrópusambandinu. Í heild var hlutfall rannsóknar- og þróunarkostnaðar af sölu 8,7% árið 2002. Þessi niðurstaða er um 5% yfir áætlun. Allur rannsóknar- og þróunarkostnaður á árinu var gjaldfærður.
Skrifstofu- og stjórnunarkostnaður var á áætlun á fjórða ársfjórðungi en á árinu í heild var þessi kostnaður 2% yfir áætlun. Hlutfall skrifstofu- og stjórnunarkostnaðar af sölu á árinu 2002 var rúm 16% og lækkar úr 22% frá árinu 2001 .
Vaxtaliðir voru félaginu áfram mun hagstæðari en áætlanir gerðu ráð fyrir m.a. vegna styrkingar krónu.
Við samanburð á rekstri ársins 2002 og 2001 þarf að hafa í huga að verðbólgureikningsskil voru lögð af í upphafi ársins 2002. Ef sömu reikningsskilaaðferðir hefðu verið notaðar 2001 hefði hagnaður þess árs verið 761 þúsund dölum lægri eða 7.771 þúsund dalir í stað 8.632 þúsund dala. Miðað við sömu reikningsskilaaðferðir eykst hagnaður milli ára um 29%.
Á fjórða fjórðungi var lokið við að setja á markað heildarröð hágæða læsibúnaðar, íhluta, tengistykkja og höggdeyfa sem auka notagildi búnaðar frá Össuri. Í þessari vörulínu eru alls 49 tengistykki. Einnig var hafing kynning á nýju meðferðarkerfi sem nefnist SMART program. Lykilþáttur í þessu kerfi er Iceross Post-op hulsan, sem hefur nú þegar verið kynnt á Norðurlöndunum og er notuð við þrýstimeðferð stúfa í kjölfar aflimunar.
Birting rekstraráætlana
Ákveðið hefur verið að falla frá þeirri stefnu að birta nákvæmar rekstraráætlanir fyrir félagið eins og gert var árið 2002, en það ár var gengið lengra að þessu leyti en almennt tíðkaðist á innlendum og erlendum fjármálamörkuðum. Þar fyrir utan hefur orðið viðhorfsbreyting meðal alþjóðlegra fjárfesta hvað varðar birtingu nákvæmra upplýsinga af hálfu fyrirtækjanna um horfur í rekstri og er nú almennt talið að birting slíkra upplýsinga stuðli ekki að heilbrigðari fjármálamörkuðum. Alþjóðleg fyrirtæki eru almennt að draga úr nákvæmni upplýsingagjafar varðandi horfur í rekstri.
Varðandi markmið félagsins fyrir næsta ár er vísað til þeirrar stefnu að viðhalda sterkum innri vexti og auka hagnað á hlut (EPS) um 15% á ári.
Aðalfundur 2003
Aðalfundur félagsins verður haldinn föstudaginn 21. febrúar kl 9:00 árdegis á Grand Hótel, Reykjavík. Aðgöngumiðar, aðkvæðaseðlar og önnur fundargögn verða afhent á fundarstað kl. 8:30. Dagskrá fundarins er eftirfarandi:
Venjuleg aðalfundarstörf samkvæmt grein 4.02 í samþykktum félagsins.
Tillaga til breytinga á 1.tl. í gr. 5.01 í samþykktum félagsins sem felst í því að fjölga stjórnarmönnum úr sex í sjö.
Tillaga um að heimila stjórn að kaupa eigin bréf félagsins.
Önnur mál sem löglega verða borin fram eða fundurinn samþykkir að taka til meðferðar.
Atkvæðisréttur á fundinum verður miðaður við stöðu hlutaskrár Össurar hf. í lok fimmtudagsins 20. febrúar 2003.
Birting uppgjöra 2003
Eftirfarandi eru áætlaðar dagsetningar á birtingu uppgjöra 2003:
1. ársfjórðungur 29. apríl 2003.
2. ársfjórðungur24. júlí 2003.
3. árfjórðungur 23. október 2003.
4. ársfjórðungur 2. febrúar 2004.
Fundur með stjórnendum
Í fyrramálið gefst fjárfestum og öðrum, sem áhuga hafa á rekstri félagsins, kostur á að koma á opinn fund með stjórnendum félagsins. Á fundinum mun Jón Sigurðsson, forstjóri, fara yfir niðurstöður ársfjórðungsins og ræða við fjárfesta ásamt Hjörleifi Pálssyni, fjármálastjóra.
Fundurinn verður á morgun, fimmtudaginn 13. febrúar, og hefst kl. 9:00 á skrifstofu Össurar hf. á Grjóthálsi 5 í Reykjavík.