Tilkynning um fyrirhugaða hækkun hlutafjár í Össuri hf.
- Fagfjárfestaútboð hefst í dag
Stjórn Össurar hf. samþykkti á stjórnarfundi 29.október 2007 að hækka hlutafé
félagsins með útboði á nýjum hlutum, sem nema allt að 10% af heildarhlutafé
félagsins, til takmarkaðs hóps fagfjárfesta. Í kjölfarið mun Össur óska eftir
því að nýju hlutirnir verði teknir til viðskipta í OMX Norrænu kauphöllinni
Íslandi (OMXI).
Tilgangur útboðsins er að styrkja eiginfjárgrunn félagsins og breikka
hlutahafahópinn.
Kaupþing banki hf. (Kaupþing) hefur umsjón með útboðinu.
Samantekt á útboðinu
• Útboð nýrra hluta til takmarkaðs hóps fagfjárfesta.
• Össur hyggst gefa út allt að 38.059.553 nýjum hlutum, sem nema tæplega 10% af
heildarhlutafé félagsins.
• Hlutabréfamiðlun Kaupþings mun taka við áskriftum í dag, 30. október 2007,
og til kl. 6 síðdegis á morgun, 31. október 2007. Kaupþing og Össur áskilja
sér hins vegar rétt til að loka útboðinu fyrr ef um umframáskrift verður að
ræða.
• Össur mun, í samráði við Kaupþing, úthluta nýjum hlutum og áskilur sér rétt
til þess að hafna einstökum áskriftum, að hluta til eða öllu leyti.
• Tilkynnt verður um niðurstöður útboðsins eigi síðar en kl. 8 síðdegis
miðvikudaginn 31. október 2007.
• Fjárfestar skulu greiða kaupverð nýju hlutanna eigi síðar en kl. 4 síðdegis
miðvikudaginn 7. nóvember 2007.
• Stjórn Össurar mun nýta heimild til hlutafjárhækkunar sem veitt var á
aðalfundi félagsins 24. febrúar 2006, þar sem hluthafarnir féllu frá
forgangsrétti að þessum nýju hlutum
• Verð nýju hlutanna verður á bilinu 101-103 krónur á hlut.
• Gert er ráð fyrir að nýju hlutirnir verði teknir til viðskipta í OMXI eigi
síðar en mánudaginn 12. nóvember 2007.
Nánari upplýsingar veita:
Jón Sigurðsson, forstjóri Össurar, í síma +354-515-1300
Þórólfur Jónsson, framkvæmdastjóri fyrirtækjaráðgjafar Kaupþings, í síma
+354-444-6000
Frosti Reyr Rúnarsson, forstöðumaður hlutabréfamiðlunar Kaupþings, í síma
+354-444-6000