Leiðrétting - 9 mánaða reikningur 2007
Leiðrétting: Söluaukning vegna innri vaxtar, mælt í staðbundinni mynt er 8% en ekki 11% eins og missagt var í fréttinni.
Helstu niðurstöður fyrir þriðja ársfjórðung • Sala var 82,3 milljónir Bandaríkjadala, jókst um 31% frá þriðja ársfjórðungi 2006 • Söluaukning vegna innri vaxtar var 8% • Pro forma söluaukning var 11% • Hagnaður fyrir afskriftir, vexti og skatta (EBITDA) var 14,1 milljón dala, jókst um 16% frá þriðja ársfjórðungi 2006 • EBITDA hlutfall var 17,1% samanborið við 19,3% fyrir sama tímabil í fyrra • Hagnaður tímabilsins var 2,2 milljónir Bandaríkjadala samanborið við 5,4 milljónir Bandaríkjadala á þriðja fjórðungi 2006 Helstu niðurstöður fyrir fyrstu níu mánuði ársins • Sala var 250,7 milljónir Bandaríkjadala, jókst um 33% frá þriðja ársfjórðungi 2006 • Söluaukning vegna innri vaxtar var 8% • Pro forma söluaukning var 8% • Hagnaður fyrir afskriftir, vexti og skatta (EBITDA) var 41,7 milljónir dala, jókst um 23% frá sama tímabili 2006 • EBITDA hlutfall var 16,6%, samanborið við 18,0% fyrir sama tímabil í fyrra • Hagnaður tímabilsins var 0,9 milljónir Bandaríkjadala samanborið við 8,1 milljón dala hagnað fyrir sama tímabil 2006 Jón Sigurðsson, forstjóri: „Við erum ánægð með niðurstöður þriðja ársfjórðungs. Við sjáum áframhaldandi góðan vöxt í Evrópu og fyrstu merki þess að endurskipulagningin sem við gerðum á sölukerfinu fyrir spelkur í Bandaríkjunum í upphafi ársins, sé að byrja að skila sér. Sala Gibaud er á góðu skriði og sýnir góðan vöxt samanborið við síðasta ár, þó svo að með Gibaud hafi árstíðabundin áhrif á sölu aukist vegna sumarlokana í Frakklandi. Sala á stoðtækjum heldur áfram að aukast umtalsvert og að sama skapi sjáum við jákvæða þróun í söluvexti á spelkum og stuðningsvörum. Þegar á heildina er litið erum við sannfærð um að við séum nú að uppskera eftir tímabil innleiðingar og endurskipulagningar sem mun leggja grunninn að framtíðarvexti félagsins”. *Samkvæmt reikningsskilareglum miðast umreikningur rekstrarliða milli gjaldmiðla við meðalgengi rekstrartímabils. Við umreikning úr Bandaríkjadölum yfir í íslenskar krónur fyrir fyrsta ársfjórðung er notað meðalgengi 63,11 ISK/USD. Við umreikning efnahagsliða er notað gengi í lok ársfjórðungsins 61,88 ISK/USD.