Össur hf. kaupir Skóstofuna ehf.

<br>
Í dag, 1. september 2000 var undirritaður samningur um  kaup Össurar hf. á Skóstofunni ehf.,  Dunhaga. Tilgangurinn er að efla og víkka út þjónustu  innanlandsdeildar Össurar hf., á sviði stoðtækjasmíða, skósmíða, innleggjagerðar og göngugreiningar.  <br>
<br>
Kaup Össurar hf. á Skóstofunni ehf.  fela ekki í sér breytingu á stefnumörkun fyrirtækisins og falla utan megin sviðs þess, sem er þróun, framleiðsla, dreifing og sala stoðtækja á alþjóðamarkaði.<br>
<br>
Samningurinn nær til kaupa  á vélbúnaði, tækjabúnaði og birgðum Skóstofunnar ehf., ásamt því að Össur hf. tekur yfir samning við Tryggingastofnun ríkisins um sérgerða og aðlagaða skó. Í samningnum er einnig gert ráð fyrir að eigendur Skóstofunnar ehf.  komi til starfa hjá Össuri hf. og verður þar með enn frekari stækkun á hópi faglegra starfsmanna hjá innanlandsdeild Össurar hf.<br>
<br>
Kaupverðið er 15 milljónir króna og greiðist með hlutabréfum í Össuri hf., auk 5 milljóna króna sem koma til greiðslu á næstu 3 árum, verði sölu- og hagnaðarmarkmiðum fullnægt.  Samningurinn mun taka gildi 2. október n.k. og leggst starfsemi Skóstofunnar ehf. á Dunhaga af í núverandi mynd.    <br>
<br>
<br>
<br>
<br>