Ole Arve Misund ny direktør ved NIFES
Ole Arve Misund er i statsråd utnemnt til ny direktør for Nasjonalt institutt for ernærings- og sjømatforsking (NIFES) i Bergen. NIFES forskar på fiskeernæring og trygg og sunn sjømat.- NIFES skal vere ein leiande kunnskapsleverandør innanfor fiskeernæring og trygg og sunn sjømat nasjonalt og internasjonalt. Med Ole Arve Misund har instituttet fått ein sterk leier med klare mål om å utvikle NIFES vidare. Dette er viktig for å styrkje Noreg som sjømatnasjon, seier fiskeriminister Elisabeth Aspaker. Ole Arve Misund (58) er i dag administrerande direktør ved Universitetssenteret på Svalbard.